தமிழ், தெலுங்கு, மலையாளம் என்று மூன்று மொழிகளிலும் பிரபலமான நடிகையாக இருந்து வருபவர் நடிகை அஞ்சலி. தமிழில் இயக்குனர் ராம் இயக்கிய கற்றது தமிழ் திரைப்படம் மூலமாக அஞ்சலி தமிழ் சினிமாவிற்கு அறிமுகமானார். ஆரம்பத்தில் அஞ்சலி திரைப்படங்களில் நடிக்கும்போது அவருக்கு கொடுத்த கதாபாத்திரங்கள் எல்லாம் கடினமான கதாபாத்திரங்களாக இருந்தன. பொதுவாக முதல் திரைப்படத்திலேயே அவ்வளவு கடினமான கதாபாத்திரத்தை எடுத்து நடிப்பது என்பது அனைவருக்கும் கஷ்டமான காரியம்தான். தமிழில் அறிமுகம்: இருந்தாலும் கற்றது தமிழ் திரைப்படத்தில் ஆனந்தி என்கிற அந்த கதாபாத்திரத்தை மிகச் சிறப்பாக செய்திருந்தார் அஞ்சலி. அதனை தொடர்ந்து அவரது நடிப்புக்கு வரவேற்பு கிடைத்தது. தொடர்ந்து அங்காடித் தெரு என்கிற திரைப்படத்திலும் அவருக்கு வாய்ப்பு கிடைத்தது. சென்னை டிநகரில் உள்ள ஜவுளி கடைகளில் தொழிலாளர்களுக்கு நடக்கும் அநீதிகளை வெளிபடுத்தும் வித...