குறுகிய காலங்களில் இந்தியா முழுவதும் பிரபலமாகும் ஒரு சில நடிகர்களில் முக்கியமானவர் நடிகை மெஹ்ரீன் பிர்சாடா. தெலுங்கு, தமிழ், ஹிந்தி மற்றும் பஞ்சாபி மொழிகளில் இவர் நிறைய திரைப்படங்களில் நடித்துள்ளார். பொதுவாக ஹிந்தி, பஞ்சாபி திரைப்படங்களில் நடிக்கும் நடிகர்கள் அவ்வளவாக தென்னிந்தியாவில் பிரபலமான நடிகைகளாக ஆகுவது கொஞ்சம் கடினம்தான். ஆனால் தொடர்ந்து அனைத்து மொழி திரைப்படங்களிலும் ஆர்வம் காட்டி வருவதால் மெஹ்ரீன் பிர்சாடாவிற்கு தென்னிந்தியாவிலும் ஓரளவு வரவேற்பு கிடைத்துள்ளது. முதல் வாய்ப்பு: 1995 ஆம் ஆண்டு பிறந்த மெஹ்ரீன் பிர்சாடா இவ்வளவு சீக்கிரத்தில் இத்தனை மொழி பாடங்களில் நடித்திருப்பது ஆச்சரியமான விஷயமாக இருக்கிறது. முதன்முதலில் தெலுங்கு சினிமாவில் தான் 2016 ஆம் ஆண்டு அறிமுகமானார் மெஹ்ரீன் பிர்சாடா. அதனை தொடர்ந்து தமிழில் முதன்முதலாக நெஞ்சில் துணிவிருந்தால் திரைப்படத்தில் ஜனனி என்கிற க...