இயக்குனர் தமிழரசன் பச்சமுத்து இயக்கத்தில் நடிகர் ஹரிஷ் கல்யாண் அட்டகத்தி தினேஷ் உள்ளிட்டோர் முக்கியமான கதாபாத்திரத்தில் நடித்திருக்கும் லப்பர் பந்து திரைப்படம் வெளியாகி ரசிகர்கள் மத்தியில் நல்ல வரவேற்பு பெற்று இருக்கிறது. சாதி ஒழிப்பு, தீண்டாமை ஒழிப்பு கருத்தை அடிப்படையாகக் கொண்டு இப்படியும் படத்தை எடுக்க முடியும் என்று இயக்குனர் தமிழரசன் பச்சமுத்து நிரூபித்து இருக்கிறார் என ரசிகர்கள் பலரும் தங்களுடைய கருத்துக்களை பதிவு செய்து வருகின்றனர். சமீப காலமாக சில இயக்குனர்கள் சாதி ஒழிப்பு தீண்டாமை ஒழிப்பு கதை களத்தை எடுத்துக்கொண்டு இரு வேறு சமூகங்களுக்கு இடையே வெறுப்பை வளர்க்கும் விதமாகவே படத்தை எடுத்துக் கொண்டிருக்கும் நிலையில் இரு வேறு சமூகங்களுக்கு இடையே இணக்கத்தை எப்படி உருவாக்குவது என்பதை ஆழமாக சிந்தித்து அற்புதமான ஒரு படைப்பை கொடுத்திருக்கிறார் இயக்குனர் தமிழரசன் பச்சமுத்து என்பது பொதுவான ...