சினிமா தியேட்டர்களில் படம் பார்க்க போய் அமர்ந்தால், திரையில் படம் தோன்றியவுடன், என்னதான் ஆச்சு இந்த ஊருக்கு என்று புகை பிடிப்பது உடல் நலத்துக்கு கேடு என்பதை விளக்கும் ஒரு விழிப்புணர்வு விளம்பரம் வரும். அதுபோல சமூக வலைதளங்களை சில நேரங்களில் திறந்து, உள்ளே சென்று பார்க்கும் போது, என்னதான் ஆச்சு இந்த நடிகைகளுக்கு என்று சொல்லும் அளவுக்கு தான், அவர்களது அதீத கவர்ச்சியில் குத்தாட்ட நடனங்களும், புகைப்படங்களும், பார்த்தவுடன் நமக்கு அப்படி ஒரு கேள்வியை மனதுக்குள் ஏற்படுத்துகின்றன. சம்பளத்துக்காக கவர்ச்சி சினிமாவில் கவர்ச்சியாக நடிக்க பெரிய சம்பளத்தொகை வாங்குவது, வாங்கிய அந்த சம்பளத்துக்காக கவர்ச்சியாக நடிப்பது என்பது தொழில் ரீதியாக நடிகைகளுக்கு சகஜமான ஒன்றுதான். வருமானத்திற்காக நடிகையாக அவர்கள் அதை செய்கிறார்கள் என்று ஏற்றுக்கொள்ளலாம். ஆனால் சமூக வலைதளங்களில் இப்படி கவர்ச்சியாக ஆபாசமாக, தங்கள...