மனோஜ் பாரதி ராஜா மரணம்; உண்மை காரணம் கேட்டு அதிர்ந்து ரசிகர்கள்..!

இயக்குநர் இமயம் பாரதிராஜாவின் மகன், நடிகர் மனோஜ் பாரதிராஜா இன்று மாலை காலமானார். அவருக்கு வயது 48. மாரடைப்பு காரணமாக அவர் உயிரிழந்ததாக தகவல் வெளியாகியுள்ளது. 

அவரது உடல் தற்போது சென்னை சேத்துப்பட்டில் உள்ள அவரது இல்லத்தில் வைக்கப்பட்டுள்ளது. தமிழ் சினிமாவின் மிக முக்கியமான இயக்குநர்களில் ஒருவர் பாரதிராஜா. 

ஸ்டுடியோக்களில் முடங்கியிருந்த தமிழ் சினிமாவை கிராமங்களுக்கு அழைத்துச் சென்ற பெருமை அவருக்கு உண்டு. "முதல் மரியாதை", "கிழக்கே போகும் ரயில்", "வேதம் புதிது", "கருத்தம்மா" போன்ற படங்கள் அவர் இயக்கத்தில் வந்த மைல்கற்கள். 

அவரது மகன் மனோஜ் பாரதிராஜா, 1999ஆம் ஆண்டு பாரதிராஜா இயக்கத்தில் வெளியான "தாஜ் மஹால்" படத்தின் மூலம் தமிழ் சினிமாவில் நடிகராக அறிமுகமானார். பெரும் எதிர்பார்ப்புக்கு மத்தியில் வெளியான இப்படம் பெரிய அளவில் வரவேற்பை பெறவில்லை. 

அதன்பின்னர் சில படங்களில் நடித்த மனோஜ் பாரதிராஜா, நடிப்பிலிருந்து சிறிது காலம் விலகி இருந்தார். சமீப காலமாக அவருக்கு உடல்நலக்குறைவு ஏற்பட்டு வந்த நிலையில், இன்று மாலை மாரடைப்பு ஏற்பட்டு உயிரிழந்தார். 

மனோஜ் பாரதிராஜாவின் திடீர் மறைவு அவரது குடும்பத்தினரையும், திரைத்துறையினரையும், ரசிகர்களையும் பெரும் அதிர்ச்சியில் ஆழ்த்தியுள்ளது. கடந்த சில வாரங்களுக்கு முன்புதான் மனோஜ் பாரதிராஜாவுக்கு இதய அறுவை சிகிச்சை நடைபெற்றது. 

அப்போதிலிருந்து அவர் வீட்டில் சிகிச்சை பெற்று வந்தார். சில நாட்களுக்கு முன்பு திடீரென அவருக்கு மீண்டும் உடல்நலக்குறைவு ஏற்பட்டதாக கூறப்படுகிறது. இன்று மாலை 6 மணியளவில் அவருக்கு திடீரென மாரடைப்பு ஏற்பட்டது. உடனடியாக அவரை மருத்துவமனைக்கு அழைத்துச் சென்றும், அவர் ஏற்கனவே இறந்துவிட்டதாக மருத்துவர்கள் தெரிவித்தனர்.

மனோஜ் பாரதிராஜாவின் உடல் தற்போது சென்னை சேத்துப்பட்டில் உள்ள அவரது இல்லத்தில் அஞ்சலிக்காக வைக்கப்பட்டுள்ளது. அவரது மறைவுக்கு பல்வேறு தரப்பினரும் இரங்கல் தெரிவித்து வருகின்றனர். 

முதல்வர் மு.க. ஸ்டாலின் தனது எக்ஸ் பக்கத்தில், "நடிகரும் இயக்குநர் பாரதிராஜா அவர்களின் மகனுமான மனோஜ் பாரதி மறைந்த செய்தி அறிந்து மிகவும் வருத்தமுற்றேன். தனது தந்தையின் இயக்கத்தில் தாஜ்மகால் திரைப்படம் மூலம் அறிமுகமாகி, சமுத்திரம், அல்லி அர்ஜுனா, வருஷமெல்லாம் வசந்தம் எனத் தொடர்ந்து பல திரைப்படங்களில் நடித்து தனக்கென அடையாளத்தை உருவாக்கிக் கொண்டவர் மனோஜ் . 

இயக்கம் உள்ளிட்ட துறைகளிலும் முயன்று பார்த்தவர் மனோஜ். இளம் வயதில் அவர் எதிர்பாராதவிதமாக மறைந்துவிட்டது மிகுந்த அதிர்ச்சியளிக்கிறது. அன்பு மகனை இழந்து வாடும் இயக்குநர் இமயம் பாரதிராஜாவுக்கும், அவரது குடும்பத்தினருக்கும், திரைத்துறையைச் சேர்ந்த நண்பர்களுக்கும் எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன்" என்று பதிவிட்டுள்ளார். 

"தாஜ்மஹால்" படத்திற்கு பிறகு மனோஜ் பாரதிராஜா "சமுத்திரன்", "பல்லவன்", "மகா நடிகன்" உள்ளிட்ட படங்களில் நடித்தார். ஆனால், நடிகராக அவருக்கு பெரிய அளவில் வரவேற்பு கிடைக்காததால் நடிப்பில் இருந்து விலகியிருந்தார். பின்னர், இயக்குநர்கள் மணிரத்னம், ஷங்கர் ஆகியோரிடம் உதவி இயக்குனராகவும் பணியாற்றினார். 

2005ஆம் ஆண்டு "சாதுரியன்" படத்தில் நடித்தபோது, உடன் நடித்த நடிகை நந்தனாவை காதலித்து திருமணம் செய்து கொண்டார். இந்த தம்பதிக்கு ஆர்த்திகா, மதிவதனி என இரண்டு மகள்கள் உள்ளனர். "சாதுரியன்" படத்திற்கு பிறகு நடிப்பில் இருந்து விலகியிருந்த மனோஜ், சமீப காலமாக மீண்டும் சின்ன சின்ன கதாபாத்திரங்களில் நடிக்கத் தொடங்கினார். 

கடைசியாக அவர் 2022ல் வெளியான "விருமன்" படத்தில் நடித்திருந்தது குறிப்பிடத்தக்கது. மனோஜ் பாரதிராஜாவின் மறைவு தமிழ் திரையுலகிற்கு ஒரு பேரிழப்பாகும். அவரது ஆன்மா சாந்தியடையட்டும்.