என்னது.. Rasna விளம்பரத்துல நடிச்ச இந்த பொண்ணு.. 90ஸ் கிட்ஸின் பேவரைட் ஹீரோயினா..?

90-கள் ஒரு பொற்காலம் என்றால், 90-களைப் பற்றி சொல்லவே தேவையில்லை. அந்த சமயத்தில் வளர்ந்த குழந்தைகளுக்கு பல இனிமையான நினைவுகள் உண்டு. அதில் ஒன்று ரஸ்னா பானம். 

Advertisement

குறைந்த விலையில் கிடைக்கக்கூடிய இந்த ரஸ்னா, 90ஸ் கிட்ஸ்களின் விருப்பமான பானமாக இருந்தது. அந்த ரஸ்னா விளம்பரத்தில் நடித்த குட்டி சிறுமி பலரின் மனதை கவர்ந்திருப்பார். 

அந்த சிறுமி வளர்ந்து தென்னிந்திய சினிமாவில் நாயகியாகவும் பல படங்களில் நடித்துள்ளார் என்பது பலரும் அறியாத தகவல். அந்த ரஸ்னா விளம்பர சிறுமியின் பெயர் தான் அங்கிதா ஜவேரி. 

இவர் 2002ஆம் ஆண்டு தெலுங்கில் வெளியான 'தனலட்சுமி ஐ லவ் யூ' என்ற படத்தின் மூலம் திரையுலகில் அறிமுகமானார். அதே ஆண்டு கன்னடத்தில் வெளியான 'ஸ்ரீராம்' படத்திலும் நடித்தார். 

தமிழில் 2005ஆம் ஆண்டு இயக்குனர் சுந்தர்.சி இயக்கத்தில் பிரசாந்த் நடித்த 'லண்டன்' படத்தில் நாயகியாக நடித்தார். 'லண்டன்' படத்திற்கு பிறகு அங்கிதா ஜவேரிக்கு தமிழில் பெரிய அளவில் பட வாய்ப்புகள் கிடைக்கவில்லை. 

இதையடுத்து அவர் மும்பையைச் சேர்ந்த தொழிலதிபர் விஷால் ஜக்தாப் என்பவரை திருமணம் செய்து கொண்டு செட்டில் ஆகிவிட்டார். 

90ஸ் கிட்ஸ்களின் பால்ய கால நினைவுகளில் நீங்கா இடம் பிடித்த ரஸ்னா விளம்பர சிறுமி அங்கிதா ஜவேரி, ஒரு காலத்தில் வெள்ளித்திரையிலும் ஜொலித்தார் என்பது குறிப்பிடத்தக்கது.

இன்றும் பல 90ஸ் கிட்ஸ்களுக்கு அந்த ரஸ்னா விளம்பரமும், அதில் நடித்த சிறுமியின் க்யூட் எக்ஸ்பிரஷன்களும் நினைவில் இருக்கும்.