உங்க மேல இருக்க மரியாதை இன்னும் ஒரு படி மேல போயிடுச்சு.. VJ சித்து செய்த வேலை.. ரசிகர்கள் உருக்கும்..!

பிரபல யூடியூபராக வலம் வரும் விஜே சித்து தமிழ் சினிமாவில் ஹீரோக்களுக்கு இருக்கும் வரவேற்பைப் போலவே யூடியூபிலும் தனக்கென ஒரு பெரிய ரசிகர் கூட்டத்தை வைத்திருக்கிறார். 

Advertisement

தினமும் நகைச்சுவையான வீடியோக்களை வெளியிட்டு லட்சக்கணக்கானோரை மகிழ்வித்து வரும் அவர், தற்போது செய்துள்ள ஒரு செயல் அவரது ரசிகர்கள் மத்தியில் பெரும் நெகிழ்ச்சியை ஏற்படுத்தியுள்ளது. 

அதாவது, விஜே சித்து சமீபத்தில் சுற்றித் திரிந்த ஒரு நாயை தத்தெடுத்துள்ளார். அதற்கு "இனியன்" என்று பெயர் சூட்டியுள்ள அவர், அந்த நாயை தனது சொந்த பிள்ளை போல பாசத்துடன் கவனித்து வருகிறார். 

இது தொடர்பான வீடியோவை தனது யூடியூப் சேனலில் அவர் பகிர்ந்துள்ளார். அந்த வீடியோவில் இனியனுக்கு பிரியாணி வாங்கிப் போட்டு, அன்போடு தடவிக் கொடுக்கும் சித்துவின் காட்சிகள் ரசிகர்களை வெகுவாக கவர்ந்துள்ளது. 

இந்த வீடியோவைப் பார்த்த ரசிகர்கள் தங்களது உருக்கமான கருத்துக்களை பதிவிட்டு வருகின்றனர். "உங்களுடைய இந்த செயலால் உங்கள் மீது இருந்த மரியாதை இன்னும் ஒரு படி உயர்ந்திருக்கிறது", "சித்துவின் மனம் தங்கம்", "இனியன் கொடுத்து வச்சவன்", "உங்களை நினைத்து பெருமையாக இருக்கிறது" போன்ற நெகிழ்ச்சியான கமெண்ட்களை ரசிகர்கள் பதிவிட்டு வருகின்றனர். 

பொதுவாகவே விஜே சித்து தனது வீடியோக்கள் மூலம் பலருக்கும் மகிழ்ச்சியை அளித்து வருகிறார். தற்போது அவர் செய்துள்ள இந்த மனிதாபிமான செயல் அவரது ரசிகர்களின் மனதில் மேலும் ஒரு நல்ல இடத்தைப் பிடித்துள்ளது. 

ஒரு பிரபலமாக இருந்தும் தெரு நாயை தத்தெடுத்து அதற்கு அன்பு காட்டும் அவரது இந்த உயர்ந்த குணத்தை பலரும் பாராட்டி வருகின்றனர். விஜே சித்துவின் இந்த செயல் மற்றவர்களுக்கும் ஒரு நல்ல உதாரணமாக திகழ்கிறது என்பதில் எந்த சந்தேகமும் இல்லை.