55 நிமிஷத்திற்கு 5 கோடி ரூபாய்.. புது ரூட்டில் இறங்கிய முன்னணி நடிகை..!

சினிமாவில் நுழைந்த உடனே அனைவருக்கும் வெற்றி கிடைத்து விடுவதில்லை. ஒவ்வொரு கலைஞருக்கும் அவர்களின் கடின உழைப்பிற்கேற்ற அங்கீகாரம் காலப்போக்கில் தான் கிடைக்கிறது. 

Advertisement

சூப்பர் ஸ்டார், லேடி சூப்பர் ஸ்டார் என கொண்டாடப்படும் உச்ச நட்சத்திரங்கள் கூட ஆரம்ப காலத்தில் கடின உழைப்பை செலுத்தி கொஞ்சம் கொஞ்சமாகத்தான் முன்னேறி இந்த உயரத்தை அடைந்தார்கள். 

அப்படி, சின்னத்திரையில் தனது பயணத்தை தொடங்கி இன்று தென்னிந்திய திரையுலகில் டாப் நடிகையாகவும், லேடி சூப்பர் ஸ்டாராகவும் ஜொலிக்கும் நயன்தாரா தற்போது ஒரு விளம்பர படத்தில் 50 வினாடி நடிப்பதற்கு ரூ. 5 கோடி சம்பளம் வாங்கியதாக தகவல் வெளியாகி திரையுலகை வியப்பில் ஆழ்த்தியுள்ளது. 

நடிகை நயன்தாரா ரஜினிகாந்த், ஷாருக்கான், நாகர்ஜுனா, சிரஞ்சீவி என இந்திய திரையுலகின் முன்னணி நடிகர்கள் அனைவருடனும் ஜோடி சேர்ந்து நடித்துள்ளார். இதன் மூலம் இந்திய அளவில் பிரபலமான நடிகையாக அவர் உயர்ந்து நிற்கிறார். 

2018ம் ஆண்டில் Forbes India வெளியிட்ட பிரபலங்கள் 100 பட்டியலில் இடம்பிடித்த ஒரே தென்னிந்திய நடிகை நயன்தாரா என்பது குறிப்பிடத்தக்கது. கடந்த 20 ஆண்டுகளில் 80 திரைப்படங்களில் நடித்துள்ள அவர், ஏராளமான விருதுகளையும் குவித்துள்ளார். 

ஆங்கில இலக்கியத்தில் பட்டம் பெற்ற நயன்தாரா, CA ஆக வேண்டும் என்று கனவு கண்டவர். ஆனால் விதி அவரை சினிமா பக்கம் கொண்டு வந்து சேர்த்தது. இத்தனை பெருமைகளை கொண்ட நடிகை நயன்தாரா தான் தற்போது ஒரு விளம்பரத்தில் 50 வினாடி நடிப்பதற்கு ரூ. 5 கோடி சம்பளம் பெற்று இந்திய திரையுலகை திரும்பி பார்க்க வைத்துள்ளார். 

இந்த தகவல் தற்போது சமூக வலைத்தளங்களில் வைரலாக பரவி வருகிறது. சினிமாவில் நயன்தாரா செய்த கடின உழைப்பு, அர்ப்பணிப்பு மற்றும் திறமைக்கு கிடைத்த அங்கீகாரமாக இந்த சம்பளம் பார்க்கப்படுகிறது. 

ஆரம்பத்தில் சின்னத்திரையில் பணியாற்றி, பின்னர் போராடி முன்னணி நடிகையாக உயர்ந்த நயன்தாரா, இன்று விளம்பர படங்களில் நடிக்க கோடிக்கணக்கில் சம்பளம் வாங்குவது அவரது அயராத உழைப்புக்கு கிடைத்த வெற்றிக்கு சான்றாகும். 

இந்த செய்தி, சினிமாவில் சாதிக்க துடிக்கும் இளம் தலைமுறையினருக்கு உத்வேகத்தையும் நம்பிக்கையையும் அளிக்கிறது. விடாமுயற்சியும் திறமையும் இருந்தால் யாராலும் உச்சத்தை தொட முடியும் என்பதை நயன்தாரா நிரூபித்துள்ளார்.