கொஞ்ச நஞ்ச ஆட்டமா போட்டீங்க.. தனுஷ் ரசிகர்களை பந்தாடும் அஜித் ரசிகர்கள்..!

 

அஜித் குமார் நடிப்பில் அடுத்து வெளியாகவுள்ள 'குட் பேட் அக்லி' திரைப்படம் ஏப்ரல் 10ஆம் தேதி வெளியாகும் என படக்குழு அதிகாரப்பூர்வமாக அறிவித்துள்ளது. 

 

இந்த அறிவிப்பு அஜித் ரசிகர்களை உற்சாகத்தில் ஆழ்த்தியுள்ளது. அதே நேரத்தில், தனுஷ் ரசிகர்களுடன் சமூக வலைதளங்களில் மோதல் போக்குக்கும் வழிவகுத்துள்ளது.

'குட் பேட் அக்லி' ரிலீஸ் உறுதி:

மைத்ரி மூவிஸ் தயாரிப்பில், ஆதிக் ரவிச்சந்திரன் இயக்கத்தில் அஜித் குமார் நடிக்கும் 'குட் பேட் அக்லி' படத்தில் பிரசன்னா, அர்ஜுன் தாஸ், த்ரிஷா உள்ளிட்ட பலர் நடிக்கின்றனர். 

 

Advertisement

ஜி.வி. பிரகாஷ் குமார் இசையமைத்துள்ள இந்த படம் ஏப்ரல் 10ஆம் தேதி வெளியாகும் என ஏற்கனவே அறிவிக்கப்பட்டிருந்தது. இந்த நிலையில், படத்தின் ரிலீஸ் தேதி உறுதி செய்யப்பட்டுள்ளதாக படக்குழு மீண்டும் அதிகாரப்பூர்வமாக அறிவித்துள்ளது.

'விடாமுயற்சி' படத்தின் பின்னணி:

அஜித் குமார் நடிப்பில் கடைசியாக வெளியான 'விடாமுயற்சி' திரைப்படம் ரசிகர்களிடையே கலவையான விமர்சனங்களை பெற்றது. படத்தின் கதை மற்றும் திரைக்கதை பாராட்டும் விதமாக இருந்தாலும், அஜித்திற்கு மாஸான காட்சிகள் இல்லாதது பல ரசிகர்களுக்கு ஏமாற்றத்தை அளித்தது. வசூல் ரீதியாகவும் படம் சொல்லிக் கொள்ளும் அளவுக்கு வெற்றி பெறவில்லை.

 

தனுஷ் ரசிகர்களின் விமர்சனம்:

'விடாமுயற்சி' படத்தின் இந்த பின்னணியில், 'குட் பேட் அக்லி' படத்தின் ரிலீஸ் தேதி தள்ளிப் போகலாம் என சிலர் சந்தேகம் தெரிவித்தனர். 

 

இதனை தனுஷ் ரசிகர்கள் சமூக வலைதளங்களில் பேசுபொருளாக்கி, அஜித் ரசிகர்களை விமர்சனம் செய்யத் தொடங்கினர். தனுஷ் இயக்கி நடிக்கும் 'இட்லி கடை' படமும் ஏப்ரல் 10ஆம் தேதி ரிலீஸ் என அறிவிக்கப்பட்டதால், தனுஷ் ரசிகர்கள் சமூக வலைதளங்களில் அஜித் ரசிகர்களை கேலி செய்தனர். 

'குட் பேட் அக்லி' டீம் பயந்துவிட்டார்கள் என்றும், ரிலீஸ் தேதியை மாற்றுவது குறித்து யோசித்துக் கொண்டு உள்ளார்கள் எனவும் கருத்து தெரிவித்தனர்.

அஜித் ரசிகர்களின் பதிலடி:

ஆனால், 'குட் பேட் அக்லி' படக்குழு கெத்தாக "See You On April 10th Maamey" என அறிவித்து தனுஷ் ரசிகர்களுக்கு பதிலடி கொடுத்தனர். இந்த அறிவிப்பு அஜித் ரசிகர்களை உற்சாகத்தில் ஆழ்த்தியது. 

 

அவர்கள் இணையத்தை ஆக்கிரமித்து தனுஷ் ரசிகர்களுக்கு பதிலடி கொடுத்து வருகின்றனர். குறிப்பாக 'விடாமுயற்சி' படத்தில் மாஸான காட்சிகள் வேண்டாம் என அஜித் கூறியதை சுட்டிக்காட்டி, 'அஜித் இறங்கி வந்தால் கிங் ஆஃப் ஓப்பனிங் என்பதை மறந்துவிடுவார்கள்' என தனுஷ் ரசிகர்கள் கூறியதற்கு அஜித் ரசிகர்கள் பதிலடி கொடுத்து வருகின்றனர்.

பாக்ஸ் ஆபிஸ் போட்டி:

'குட் பேட் அக்லி' ஏப்ரல் 10ஆம் தேதி ரிலீஸ் உறுதி என்ற அறிவிப்பு வந்ததும், தனுஷ் ரசிகர்கள் 'இட்லி கடை' படத்திற்கு தியேட்டர் கிடைக்குமா? அப்படியே கிடைத்தாலும் எந்த அளவிற்கு மக்கள் ஆதரவு இருக்கும் என்ற கேள்விகளுடன் சமூக வலைதளங்களில் கருத்து தெரிவித்து வருகின்றனர்.