தமன்னா இல்லையாம்..! "பையா" படத்தில் முதலில் ஹீரோயினாக நடிக்க இருந்தது இந்த நடிகை தானாம்..!

Neufacts பிப்ரவரி 23, 2025

இந்திய திரையுலகில் தற்போது முன்னணி கதாநாயகியாக வலம் வருபவர் நடிகை தமன்னா. இவர் கவர்ச்சி நடனம் ஆடினாலே அந்த படம் வெற்றி பெறும் என்ற நிலை உருவாகியுள்ளது.

தமிழ் சினிமாவில் தமன்னாவுக்கு நல்ல வரவேற்பு கொடுத்த படங்களில் 'பையா' திரைப்படமும் ஒன்று. கார்த்தி மற்றும் தமன்னா ஜோடியின் கெமிஸ்ட்ரி ரசிகர்களிடையே பெரிதும் பேசப்பட்டது.

ஆனால், பையா படத்தில் தமன்னாவுக்கு முன் முதலில் நடிக்க இருந்தது நயன்தாரா என்பது பலரும் அறியாத தகவல். இயக்குனர் லிங்குசாமி முதலில் நயன்தாராவை தான் இந்த கதாபாத்திரத்திற்கு ஒப்பந்தம் செய்தாராம்.

ஆனால், கால்ஷீட் பிரச்சனை காரணமாக நயன்தாரா விலகியதால், அந்த வாய்ப்பு தமன்னாவுக்கு சென்றது. இந்த தகவல் தற்போது பலருக்கும் ஆச்சரியத்தை ஏற்படுத்தியுள்ளது.

பையா திரைப்படத்தில் நடித்தபோது தமன்னாவுக்கு வெறும் 19 வயது தானாம். கதைப்படி கார் பயணத்தை மையமாக கொண்டு உருவாக்கப்பட்டதால், படப்பிடிப்பு பெரும்பாலும் சாலைகளிலேயே நடந்தது. இதனால் படக்குழுவினர் பல அசாதாரண சூழ்நிலைகளை சந்தித்தனர்.

சமீபத்தில் இயக்குனர் லிங்குசாமி ஒரு பேட்டியில் பையா படப்பிடிப்பு குறித்து மனம் திறந்து பேசினார். அதில், "படப்பிடிப்பு பெரும்பாலும் சாலைகளிலேயே நடந்ததால், உடை மாற்ற கூட சரியான இடங்கள் கிடைக்கவில்லை. அந்த மாதிரி இடங்களில் உடை மாற்ற வேண்டிய சூழ்நிலை வரும்போது, நாலு பேரை சேலையை வைத்து மறைக்க சொல்லிவிட்டு, அதற்குள் தமன்னா உடை மாற்றுவார்.

அந்த சூழ்நிலையிலும் அவர் சற்றும் சளைக்காமல், மிகவும் அர்ப்பணிப்புடன் நடித்தார்" என்று தமன்னாவின் தொழில் பக்தியை லிங்குசாமி பாராட்டி பேசியுள்ளார்.

இயக்குனர் லிங்குசாமி கூறிய இந்த தகவல், தமன்னா எவ்வளவு அர்ப்பணிப்புடன் தனது வேலையை செய்கிறார் என்பதை உணர்த்துகிறது. சவாலான சூழ்நிலையிலும் தனது சிறந்த நடிப்பை வெளிப்படுத்திய தமன்னாவிற்கு ரசிகர்கள் பாராட்டு தெரிவித்து வருகின்றனர்.