குட் பேட் அக்லி படத்தில் இடம் பெறவுள்ள ரிமீக்ஸ் பாடல் இது தானாம்! தியேட்டர் தெறிக்க போகுது!

இயக்குநர் ஆதிக் ரவிச்சந்திரன் இயக்கத்தில் அல்டிமேட் ஸ்டார் அஜித் குமார் நடிப்பில் உருவாகியுள்ள திரைப்படம் "குட் பேட் அக்லி". அஜித் ரசிகர்களின் பல மாத கால எதிர்பார்ப்புக்கு மத்தியில், இப்படத்தின் டீசர் நேற்று மாலை வெளியாகி இணையத்தை அதிர வைத்தது. 

டீசர் வெளியான குறுகிய காலத்திலேயே யூடியூபில் 25 மில்லியன் பார்வையாளர்களை கடந்து புதிய சாதனை படைத்துள்ளது. 

Advertisement

இந்த டீசரில் நடிகர் அஜித் மூன்று விதமான தோற்றங்களில் தோன்றி ரசிகர்களை பிரமிக்க வைத்துள்ளார். 

குறிப்பாக வின்டேஜ் லுக்கில் அஜித் மாஸ் என்ட்ரி கொடுக்கும் காட்சிகள் வேற லெவலில் இருப்பதாக ரசிகர்கள் கொண்டாடி வருகின்றனர். 

இயக்குநர் ஆதிக் ரவிச்சந்திரன் தனது முந்தைய படமான "மார்க் ஆண்டனி" திரைப்படத்தில் ரீமிக்ஸ் பாடலை பயன்படுத்தி வெற்றி கண்டார். "பஞ்சுமிட்டாய் சேலை கட்டி" பாடலை ரீமிக்ஸ் செய்து, அதிரடி ஆக்ஷன் காட்சிகளுடன் இணைத்து ரசிகர்களுக்கு மாஸ் ட்ரீட் கொடுத்திருந்தார். 

அந்த பார்முலாவையே "குட் பேட் அக்லி" படத்திலும் ஆதிக் ரவிச்சந்திரன் கையாண்டுள்ளதாக தகவல் வெளியாகியுள்ளது. தற்போது "குட் பேட் அக்லி" திரைப்படத்திலும் ரீமிக்ஸ் பாடல் ஒன்று இடம்பெற உள்ளதாம். 

பிரபலமான பழைய பாடலான "தொட்டு தொட்டு பேசும் சுல்தானா" பாடலை இப்படத்திற்காக இசையமைப்பாளர் ஜி.வி. பிரகாஷ் குமார் ரீமிக்ஸ் செய்துள்ளதாக கூறப்படுகிறது. 

இந்த தகவல் அஜித் ரசிகர்களை மேலும் உற்சாகத்தில் ஆழ்த்தியுள்ளது. படத்தின் இந்த ரீமிக்ஸ் பாடல் இடம்பெறும் காட்சி திரையரங்குகளை அதிர வைக்கும் வகையில் பிரம்மாண்டமாக உருவாக்கப்பட்டுள்ளதாம். 

மேலும் இந்த பாடல், படத்தில் வில்லன் கதாபாத்திரத்தில் நடிக்கும் நடிகர் அர்ஜுன் தாஸுக்காக (Arjun Das) ஸ்பெஷலாக உருவாக்கப்பட்டுள்ளதாகவும் தகவல்கள் கசிந்துள்ளன. 

"குட் பேட் அக்லி" டீசர் ஏற்கனவே இணையத்தில் பட்டையை கிளப்பி வரும் நிலையில், ரீமிக்ஸ் பாடல் குறித்த தகவல் ரசிகர்களின் எதிர்பார்ப்பை மேலும் அதிகரிக்க செய்துள்ளது. 

அஜித் - ஆதிக் ரவிச்சந்திரன் கூட்டணி மீண்டும் ஒருமுறை திரையில் மேஜிக் செய்ய தயாராகிவிட்டனர் என்பது டீசர் மற்றும் இந்த லேட்டஸ்ட் தகவல்கள் மூலம் உறுதியாக தெரிகிறது. திரைப்படம் வெளியாகும் வரை ரசிகர்கள் மிகுந்த ஆவலுடன் காத்திருக்கின்றனர்.